TOVING AV BILETE

Dei siste dagane har eg gjort ferdig ein del bilete. Har fått ramma dei skikkeleg inn hjå fagfolk. Det vert litt dyrt, men bileta vert absolutt finare med fine rammer. Nokre av bileta her på sida ,skal eg ha med på utstillingen som Nordhordland kunstlag opnar laurdag 15. okt. kl 12 i Karins galleri i Gjervik. Her stiller medlemane med sine bilete. Velkomen innom!!

Trolsk stemning!

Denne villsauværen har de vel sett før. Trur ikkje den kjem på utstillinga.

Blømande tre.

Hauststemning.

Dette er eit mykje mindre bilete enn dei andre, berre25cm x25 cm. Lyngheimotiv.

Tekstilveke i Nms Gjenbruk , Knarvik

I ettermiddag har eg vore på NMS gjenbruk og stilt ut alle dei flotte tekstilane som vi har fått til butikken vår.
I morgon opnar vi som vanleg butikken kl 11 og då vil du finna mykje fint handarbeid, som no er til sals. Her vil eg visa nokre av dei tinga vi har stilt ut.

Putetrekk i hardangersaum og rund strikka duk.

Her finn du mange broderte gamle dukar.

Koseleg gamal kommode med brodert løpar og pose til lommetørkle..

Gardiner i ulike kvaliteter og fargar.

Mange løparar, både i korssting, hardangersaum og plattsaum. Vi har og quilta dukar.

TEKSTIVEKA varer til torsdag 13.okt.
I morgon torsdag 6.okt. kl 16-18, gir Else Liv Hagesøther tips om flekkfjerning og "husvask"
I tillegg til tekstilane er sjølvsagt alt det andre vi har i butikken også til sals.

HAUSTSYSLER!

Det har vorte ein del toving i det siste. Ute regnar det og regnar det....  Då er det kjekt å ha ein hobby som eg kosar meg med inne. Motivet er tre i ulike fargar og fasongar. Desse første er litt dystre og trolske. Kanskje dei har vorte påverka av veret??

TROLSK STEMNING..

Her har eg lagt på ei "ramme". Trur det vert finare om eg kuttar ut litt av motivet før eg rammar det skikkeleg inn??

Men så titta sola fram ein dag. Då vart det sterke haustfargar på ulla..

Detalj. Kjem nok ikkje til å bruka heile biletet her heller når det skal innrammast. Får prøva meg fram litt.

Det har ikkje kome snø enno, heldigvis. Men hadde lyst å prøva meg på eit vinterbilete.

Detalj.

Haustbilete. Ei stund sidan eg laga dette. Biletet er seld.

Her dukka det første biletet opp att. Greier ikkje å fjerna det....
Men då får eg leggja til at biletet er no seld.

                                              

TOVING!!

Endeleg har det vorte eit par dagar til toving. Hadde lyst til å jobba meir med dei nye teknikkane som eg lærde på kurset med Andrea Hunter i Kalvåg i sommar.  Dette biletet er laga i merinoull, veldig tynt lag og lite vatn i forhold til det eg har   gjort tidlegare. Her har eg nett tatt vatnet på og er klar til sjølve tovinga.

Trea arbeider eg litt med i bobleplasten før eg legg dei på biletet.

Ferdig. Skal ha ei svart ramme rundt.

Detalj.

Eg har jo laga ein del bilete med lyngmotiv. No måtte eg prøva det med den "tynne" teknikken. Ikkje sikker på kva som er finast.

Detalj.
Eg har fått nokre bestillingar på tova bilete. Kanskje eg kan bruka desse?

Bryllup i Batnfjorden

I helga var eg i bryllup til Ingebjørg (niese) og Martin. Her utanfor Øre kyrkje saman med brudepike Kaja.

Bryllupet vart feira i eit telt på tunet i prestegarden hjå foreldra til brura. Mykje jobbing torsdag og fredag. Her har vi ein matpause i solskinet.

No er vi klare til å dekka på borda til 85 gjestar.

Pynten var ei blanding av "arvegods" og gjenbruksting. Serviettane vart pynta med små, tynne serviettar frå Ingebjørg si serviettsamling frå barneåra. Så var det sjølvsagt  roser og lys.

Eg var så heldig at eg fekk laga brudepikebukettane. Vi bruka markblomar. Kaja var veldig fornøgd med buketten som likna på brudebuketten (som brura laga sjølv...)

God stemning på tunet etter kvart som gjestane dukka opp utover fredagen.

Må ha med dette biletet av Kaja i den fine brudepikekjolen .

Frå middagen i teltet.

Ei kjekk helg med eit  flott brudepar og mange hyggelege gjestar.

Aktive og kjekke dagar!!

Som eg skreiv i forrige innlegg, måtte eg "fundera" på korleis eg skulle ramma inn bileta som eg tova på kurset i Kalvåg. Her har eg hengt opp nokre av bileta. Får sjå etter kvart om eg vil ha det slik..

Fredag fekk eg besøk av veninna mi, Mette, frå Stavanger. Laurdag drog vi til Seim for å sjå "Spelet om Håkon den gode". Det var ei flott oppleving å få med seg. Mange dyktige folk deltok.

Spelet starta ikkje før kl. 22, så det vart mørkt etter kvart. Men då kom den flotte lyssettinga til sin rett.

Sundag tok vi ein biltur til Modalen. Her er vi komne heilt opp til Steinsland. Høge fjell på alle kantar.

Steinslandstunet.

Etter ein god middag på Mobryggja, drog vi innom Britt og Nils Romarheim på heimturen. Koseleg!!

Mandag vart det regnver, så då tova vi. Mette hadde aldri tova før, men ho hadde godt "handalag" og med litt rettleiing frå meg, laga ho dette flotte sitjeunderlaget.

Inspirerande helg!!

Denne helga har eg vore i Kalvåg i Bremanger på tovekurs. Tema var bilete i ull. Eg har jo laga ein del ullbilete dei siste åra og gått på ein del kurs. Dette var nok eit av dei mest lærerike for meg. Andrea Hunter frå England var læraren vår. Ho er ein kjend og dyktig tekstilkunstnar. Ho brukar berre merinoull i bileta sine.
Ovanfor ligg villsau-bukken min klar til toving

Her er mine produkt. La dei på det varme badegolvet til tørk då eg kom heimatt. Nokre av bileta vil eg ramma inn. Det har mykje å seia korleis det vert gjort, så no får eg "fundera" litt på det og laga fleire bilete i same teknikken. Men vert nok ikkje i dag. Kroppen treng ein liten pause, kjenner eg...

Myrull i vinden.

Stemorsblost.

Tre i blomst og vind