fredag 2. desember 2011

ADVENT

 I dag har eg lyst å visa litt av det eg har pynta med til advent i år. Eg held meg berre til lilla/fiolett og kvitt når eg pyntar. Raudt, glitter og anna stas må venta til jul. Det meste eg har brukt no, er gamle ting eg har arva eller kjøpt på gjenbruksbutikken. I tillegg finn eg fram litt heimelaga ting, for meg vert det tova arbeid. Engelen ovanfor er laga av merinoull og silke. Far si gamle salmebok er og med.

Adventskrans må sjølvsagt vera med. Løparen har eg tova i norsk C1-ull.
Lyse"staken" til høgre er tova med merinoull og litt silke rundt eit vanleg drikkeglas. Har klipt litt i den for å sleppa ut lys frå telyset som er tent. Den runde brikka er tova i C1 ull.Den sjarmerande engelen "er ny av året". Den måtte eg berre kjøpa til meg sjølv i går.
Desse fine lilla og kvite hjartene er det ei dame i husflidslaget som har sydd. Vrihassel er fint å pynta med.
Eg likar å pynta med "sølv"fat. Den nydelege koppen fekk eg hjå tantene mine til jul då eg var 5-6 år.


                                                      Eg vil ynskja alle ei fin adventstid!

torsdag 3. november 2011

MESSETID

Haust-tid er og messe-tid for mange av oss. Eg har det alltid travelt på denne tida av året med diverse handarbeid som eg skal selja på messer. I år vert det berre Misjonsmessa på meg no laurdag 5.nov. Men laurdagen etterpå skal eg vera i Husflidens hus i Hillesvåg med ein del tova arbeid. Her er det kafe og det er anledning til å kjøpa ting som medlemer i Nordhordland Husflidslag lagar.
Desse fiskane og lauva ovanfor er tova i norsk C1-ull. Har lagt ut 5-6 lag med ull i ulike fargar og tova det skikkeleg fast. Når det er tørt klipper eg mønsteret ut. Spennande å sjå kva fargar som dukkar opp når eg klipper.
Lauva og fiskane passar til å ha under varme fat og gryter, men kan og hengja til pynt på veggen.
Desse korta har eg laga av restar frå ulike tova bilete o.l. Har limt det på litt stivt akvarellpapir.
Detalj. Mange små og store bitar vert sett saman. Eg kosar meg med slik "småputl"
Englar høyrer sjølvsagt med på ei messe. Desse er knytta saman, ikkje tova. Her ligg dei på bordet, men desse skal hengja i eit vindauge eller på juletreet. Her er det berre brukt merinoull.
Nokre tova bilete må eg og ha med på messa. Desse er tova i merinoull.
Eit av lauva som eg laga, vart for tynt i toppen, så då vart det til eit hjarte i staden. Det limte eg rundt ein IKEA-speil.

Ja, no har eg vist litt av arbeidet mitt. Det er mange andre og som lagar ting til "vår" messe.
Håpar mange møter opp laurdag!!

fredag 14. oktober 2011

Nordhordland kunstlag opnar UTSTILLING i helga.

I morgon, laurdag, 15.oktobber kl 12, opnar Nordhordland kunstlag utstilling i Karins Galleri i Gjervika 7.
Det er leiar i kunstlaget, Karin Mjøs, som stiller med lokale til denne utstillinga. Dette har vore verkstaden til faren hennar. For 2-3 år sidan, pussa ho opp huset. I 1.etasje er det utstillings, kurs og møterom og i 2.etasje har ho atelieret sitt. Det er ti av medlemene som no stiller ut.
Huset ligg så og seia rett under brua i Gjervik. Når ein kjem frå Knarvik, kjem ein ganske snart til skiltet som det står Gjervik  på. Då tar ein av til venstre og tar så første veg ned til høgre. Her er det skilta ned til utstillingslokalet.
Her ser vi  gallereigaren, Karin Mjøs, i det trivelege lokalet.
Utsikt mot brua.
Vi har stilt ut 32 arbeid. Her er olje,akryl og akvarellmaleri og bilete i ull og vevd teppe!
Dei fleste bileta er til sals.
Utstillinga er open laurdag 15.okt. kl12-17og sundag 16.okt. kl 12-17
Laurdag 22.okt.kl12-17 og sundag 23.okt. kl.12-13

VELKOMEN INNOM!!

mandag 10. oktober 2011

TOVING AV BILETE

Dei siste dagane har eg gjort ferdig ein del bilete. Har fått ramma dei skikkeleg inn hjå fagfolk. Det vert litt dyrt, men bileta vert absolutt finare med fine rammer. Nokre av bileta her på sida ,skal eg ha med på utstillingen som Nordhordland kunstlag opnar laurdag 15. okt. kl 12 i Karins galleri i Gjervik. Her stiller medlemane med sine bilete. Velkomen innom!!
Trolsk stemning!
Denne villsauværen har de vel sett før. Trur ikkje den kjem på utstillinga.
Blømande tre.
Hauststemning.
Dette er eit mykje mindre bilete enn dei andre, berre25cm x25 cm. Lyngheimotiv.

onsdag 5. oktober 2011

Tekstilveke i Nms Gjenbruk , Knarvik

I ettermiddag har eg vore på NMS gjenbruk og stilt ut alle dei flotte tekstilane som vi har fått til butikken vår.
I morgon opnar vi som vanleg butikken kl 11 og då vil du finna mykje fint handarbeid, som no er til sals. Her vil eg visa nokre av dei tinga vi har stilt ut.
Putetrekk i hardangersaum og rund strikka duk.
Her finn du mange broderte gamle dukar.
Koseleg gamal kommode med brodert løpar og pose til lommetørkle..


Gardiner i ulike kvaliteter og fargar.

Mange løparar, både i korssting, hardangersaum og plattsaum. Vi har og quilta dukar.

TEKSTIVEKA varer til torsdag 13.okt.
I morgon torsdag 6.okt. kl 16-18, gir Else Liv Hagesøther tips om flekkfjerning og "husvask"
I tillegg til tekstilane er sjølvsagt alt det andre vi har i butikken også til sals.

tirsdag 20. september 2011

HAUSTSYSLER!

Det har vorte ein del toving i det siste. Ute regnar det og regnar det....  Då er det kjekt å ha ein hobby som eg kosar meg med inne. Motivet er tre i ulike fargar og fasongar. Desse første er litt dystre og trolske. Kanskje dei har vorte påverka av veret??
TROLSK STEMNING..
Her har eg lagt på ei "ramme". Trur det vert finare om eg kuttar ut litt av motivet før eg rammar det skikkeleg inn??
Men så titta sola fram ein dag. Då vart det sterke haustfargar på ulla..
Detalj. Kjem nok ikkje til å bruka heile biletet her heller når det skal innrammast. Får prøva meg fram litt.
Det har ikkje kome snø enno, heldigvis. Men hadde lyst å prøva meg på eit vinterbilete.
Detalj.
Haustbilete. Ei stund sidan eg laga dette. Biletet er seld.
Her dukka det første biletet opp att. Greier ikkje å fjerna det....
Men då får eg leggja til at biletet er no seld.
                                              

mandag 5. september 2011

TOVING!!

Endeleg har det vorte eit par dagar til toving. Hadde lyst til å jobba meir med dei nye teknikkane som eg lærde på kurset med Andrea Hunter i Kalvåg i sommar.  Dette biletet er laga i merinoull, veldig tynt lag og lite vatn i forhold til det eg har   gjort tidlegare. Her har eg nett tatt vatnet på og er klar til sjølve tovinga.
Trea arbeider eg litt med i bobleplasten før eg legg dei på biletet.
Ferdig. Skal ha ei svart ramme rundt.
Detalj.
Eg har jo laga ein del bilete med lyngmotiv. No måtte eg prøva det med den "tynne" teknikken. Ikkje sikker på kva som er finast.
Detalj.
Eg har fått nokre bestillingar på tova bilete. Kanskje eg kan bruka desse?

tirsdag 30. august 2011

Bryllup i Batnfjorden

I helga var eg i bryllup til Ingebjørg (niese) og Martin. Her utanfor Øre kyrkje saman med brudepike Kaja.

Bryllupet vart feira i eit telt på tunet i prestegarden hjå foreldra til brura. Mykje jobbing torsdag og fredag. Her har vi ein matpause i solskinet.
No er vi klare til å dekka på borda til 85 gjestar.
Pynten var ei blanding av "arvegods" og gjenbruksting. Serviettane vart pynta med små, tynne serviettar frå Ingebjørg si serviettsamling frå barneåra. Så var det sjølvsagt  roser og lys.
Eg var så heldig at eg fekk laga brudepikebukettane. Vi bruka markblomar. Kaja var veldig fornøgd med buketten som likna på brudebuketten (som brura laga sjølv...)
God stemning på tunet etter kvart som gjestane dukka opp utover fredagen.
Må ha med dette biletet av Kaja i den fine brudepikekjolen .
Frå middagen i teltet.

Ei kjekk helg med eit  flott brudepar og mange hyggelege gjestar.