Tre i ull.

 Siste veka har eg tova ein del. Det er tre som er motivet på alle bilda her.

Bildet ovanfor er tova i ein blanding av merinoull og m.a. ull frå Island. Utan ramme måler det 

46 cm x 29 cm.

I dette bildet har eg berre brukt merinoull. Blomane og blada er silke og div. trådrestar som eg har klipt opp og spreidd utover. Mål er 40 cm x 40 cm.

Her har eg brukt same framgangsmåte som på forrige bilde. Mål 29 cm x 29 cm.

Spennande å sjå kor dei tar seg ut med passep. og fin ramme.

Tovekurs i Hillesvågen 13-14.april

 Sist helg hadde eg tovekurs med ti damer i Hillesvågen.

Temaet var "Bilde i merinoull"

Alle måtte starta med å laga eit landskapsbilde med tre på. Alle fekk same instruksjonen, men trea vart svært ulike, nett som ute i naturen!

 Fargevalet vart også ulikt.

Eg har tatt alle desse trebilda i ein tidleg fase i prosessen.

 Dette koselege bildet vart tova av vesle Malin på 8 år, som var med mora si på kurset. Nedanfor detalj frå mora sitt bilde. I tillegg til merinoull, brukte vi silke og ulike garn/trådrestar som effektar. Fint!

                                                                  "Himmel og hav".

                                                                  " Skodde på fjellet".

                                                              "Min båt er så liten"

Skulle tatt fleire bilde av dei ferdige produkta, men så vart bildekortet i fotoapparatet tomt..

Eit triveleg kurs med ivrige elevar!

Ei ullen helg!

Denne helga har sau og ull stått i sentrum for ein stor konferanse på Strilatun på Seim.

"North Atlantic Native Sheep and Wool Conferance" er det lange namnet på denne samlinga som samla deltakarar frå ti land. Eg var med å jobba litt dugnad for Nordhordland Husflidslag og fekk dermed vera med på litt av dette flotte arrangementet, som Karin Flatøy Svarstad stod i spissen for.

Her var foredrag, turar til Hillesvåg Ullvarefabrikk og Lyngheisenteret m.a.

I Strilatun var det og ein flott utstilling "Wool around the Northatlantic Sea".

Her var utstillarar frå alle landa. Ovanfor strikka teppe frå Shetland

Over og under ser vi vevnader frå Nordhordland. Over er det Svanhild Tofting som har vevd bakstykke til ein sauefell. Under nokre av åkla til Anna Fammestad.

Laurdagkveld vart "Ullprisen 2012" delt ut til Anna Fammestad for hennar store innsats med m.a. å ta vare på dei gamle åkla i Nordhordland. Her ser vi henne saman med Øyvind Myhr, sjefen for Hillesvåg Ullvarefabrikk. Eg fekk den store æra å tova eit bilde til prisvinnaren.

Anna vert 92 år til sommaren. Ho vev framleis. Eg har vore heime hjå henne mange gonger og sett korleis ho arbeider når ho skal rekonstruera eit gamalt åkle. Må berre beundra hennar store innsats og pågangsmot. Ho er ein verdig vinnar av prisen! Medaljen er også i ull, laga av Terje Simmenes.